1994-жылдын 3-ноябрында жеке менчик «Талгат» ишканасы расмий түрдө катталып, компаниянын узак жылдык тарыхынын башаты болуп калды.

Ысык-Ата районуна караштуу Новопокровка айылында «Кантвино» компаниясы түзүлдү.

2003-жылы өндүрүштү өз чийки заты менен камсыз кылуу максатында, Жалал-Абад облусунун Сузак районунда 1980-жылы негизделген «Жийде» жүзүмзарлары сатып алынды.

2004-жылы 1967-жылдан бери иштеп келе жаткан «Өзгөн Булагы» сыра заводу сатып алынды. Ошондой эле, Австриянын Esarom компаниясынын азык-түлүк өнөр жайына арналган ингредиенттерин Кыргызстанда дистрибуциялоо боюнча келишим түзүлдү.

2007-жылы 1948-жылы курулган улуттук өнөр жайдын флагманы — «ШампанВинКомбинат» менен «Кантвино» шарап ишканасы биригип, өлкөдөгү шарап өндүрүшүнүн жаңы этабын баштады.

2008-жылы республикадагы эң эски чарбалардын бири — 1938-жылы негизделген «Кировец» чарбасынын базасында Агроөнөр жай комплекси «ЭлДан Аталык» түзүлдү.
«ЭлДан Аталык» үрөн чарбасы жана асыл тукум мал чарбасы катары иш жүргүзөт.
2013-жылы АПК «ЭлДан Аталык» «Данк» медалы менен сыйланган.

«Аталык» «КНИССХ им. Лукьяненко», «Ростсельмаш», «Clever», жана «Monosem» компанияларынын расмий дистрибьютору болду.
Эки жылдан кийин, 2011-жылы, айыл чарба техникасын көрсөтүү, жеткирүү жана тейлөө боюнча адистештирилген ишкана — «Аталык Агросервис» түзүлдү.

2014-жылы Чүй облусунун Жайыл районуна караштуу Суусамыр айылында жайгашкан «Аталык Суусамыр» элеваторунун курулушу башталган.

2016-жылы «Аталык Өзгөн» май чыгаруу заводу менен сарымсакты кайра иштетүү линиясынын курулушу башталган.

Бул жылы сафлор майын өндүрүү иши ишке кирип, ошондой эле Кытайдын YTO компаниясынын айыл чарба техникалары боюнча Кыргызстандагы эксклюзивдүү укуктар алынган.

2019-жылдын январь айында «ЭлДан Аталык» эт багуу жана товардык чарбасына алатау породасындагы ири мүйүздүү малды багуу боюнча асыл тукум завод статусу ыйгарылган. Ошондой эле Нидерландиянын Nutreco компаниясынын Россиядагы өкүлчүлүгү менен кызматташтык жөнүндө келишимге кол коюлган.

2020-жылы Кыргызстандагы жалгыз асыл тукум канаттуулар фабрикасы — «ТриТ» холдингдин курамына кирди. Ишкана Hy-Line тукумундагы жумуртка багытындагы канаттууларды жана товардык жумурткаларды өндүрүүгө адистешкен.

2021-жылы жаш канаттуулар үчүн 2 жаңы корпус, жаңы дан тазалоочу комплекс жана элеватор курулуп, жумушчу абалга келтирилди. Ошондой эле жумуртка багытындагы канаттуулар фабрикасынын биринчи этабы ишке киргизилди.

2022-жылы жумуртка багытындагы канаттуулар фабрикасында 140 миң жумуртка берүүчү тоокко ылайыкталган 4 птичник курулуп, пайдаланууга берилди. Ошондой эле ОсОО «Адал Азык» менен биргеликте «Кыргыз Бройлер» асыл тукум канаттуулар заводуна Кобб 500 кроссундагы бройлердин ата-энелик стадосу үчүн 3 птичник курулуп ишке киргизилди. Жылдын аягында биринчи инкубациялык жумуртка алынды. Ошондой эле канаттуулар жана ири мүйүздүү мал үчүн гранулдуу жана рассыпной тоют чыгаруу максатында жаңы тоют заводу курула баштады.

2023-жылы саатына 10 тонна тоют өндүрө алган заманбап «Аталык Жем» заводу ишке киргизилди. Мындан тышкары, дан сактоо элеваторунун кубаттуулугу 10 миң тоннага чейин кеңейтилди.

«Кировец» канаттуулар фабрикасынын курулушу башталып, «Сары-Жон» объектисинде убакыт капсуласы коюлду. Ошондой эле «Ак-Канат» фабрикасын кеңейтүү иштери башталды.

2025-жылы «Сары-Жон» асыл тукум канаттуулар заводунун курулушунун башталышына арналган убакыт капсуласы салынды.